About Tagalog Online Pocketbook

Ang TAGALOG ONLINE POCKETBOOK (a.k.a. TOP) ay isang website na naglalaman ng mga maiikling istorya na isinulat sa wikang tagalog ng mga hindi-kilalang manunulat sa mundo ng panitikan. Ang istilo ng aming pagsusulat ay kagaya ng mga tagalog pocketbooks na nabibili sa mga bangketa at binabasa ng mga ordinaryong tao.

Pagsusumikapan naming makapagbigay aliw sa lahat ng aming mga mambabasa, pangit man o maganda ang aming makukuhang mga komento. Dahil sa huli, ang aming mga mambabasa ang siya naming “boss” at kami’y pawang mga abang tagapaglingkod lamang na walang kabuluhan.

Ang paglalathala ng kahit anumang kwento, buo man o parte, sa anumang paraan mahigpit naming ipinagbabawal nang walang pahintulot sa mga awtor o sa namamahala ng website na ito. Ngunit kung mapilit kayo, anong magagawa namin, diba? Pero huwag kayong papahuli dahil may ngipin ang batas sa sinumang pasaway sa mundo.

Kung mayroon man kayong nakitang kamalian o kahit anu mang mga isyu tungkol sa aming mga kwento, maari kayong mag post ng inyong mga komento sa aming guestbook section.

Tags: book, fiction, istorya, kwento, literature, online pocketbook, pocketbook, reading, salaysay, short story, story, story telling, tagalog pocketbook, tagalog story, tagalog stories, writing

Mga Tapos na Istorya:

Kahit Kapirasong Langit
ni superPAURONG (http://superpaurong.wordpress.com)

Waiting for synopsis…

Raymond: Sa mga giliw naming mambabasa, kulitin po ninyo si Paurong para magpadala ng kaniyang synopsis sa kaniyang kwento. Maski man ako ay isang masugid na mambabasa ng kaniyang kwento kaya ako man ay naiinip rin. Ahehe, pasensya na sa informal na salaysay. Peace tayo Paurong ha, ^_^

Image Credit: Bertram Bahner

Love Will Lead You Back
ni Yesha (leejat@yahoo.com)

Conrad and Amanda has been married for couple of years. They almost have everything in life – money, fame, friends and the unconditional love they bound to give. People around them usually envied the two for having such a perfect relationship. The couple couldn’t ask for more – except that they didn’t have the child they wanted for so long.

Thinking that their marriage will always bring them together, they never thought that a sexy flirty lady, Mirla will do her damned best to enter their relationship that was built for years. Will they struggle their battle of love against temptation? Will Conrad take one tempting night with Mirla? After all…the head turner Mirla promised to give him a child his wife was not able to give…

Image Credit: http://www.vincos.it/images

Walang Paglagyan
ni Foobarph (http://foobarph.wordpress.com)

Minahal ni Raymond si Amantha simula pa lang ng makilala niya ito ngunit natutuhang mahalin ni Amantha si Jonathan, ang lalakeng ipinagkasundo sa kaniya ng kaniyang papa. Ngunit simula nang makita ni Amantha si Jonathan na may ibang kalaguyo, nag desisyon itong gumanti at paibiging muli ang lalake sa pamamagitan ng pakikipag relasyon kay Raymond sa loob ng dalawang linggo.

Pero may ibang plano si Jonathan para sa dalaga at para sa kaniyang ama-amahan na si Frederico na siya ring nakipagkasundo sa tatay ni Amantha upang makasal siya dito. Si Raymond naman ay nangakong maghihiganti sa ama ni Amantha pagkatapos nitong malaman na may kinalaman ito sa pagkamatay ng kaniyang tatay. At gagawin niya ito kahit na gamitin pa niya si Amantha sa kaniyang mga plano.

Saan nila ilalagay ang kanilang mga pusong hapo sa pait ng nakaraan?

Kasalukuyang Sinusulat Pa:

Breaking Silence
ni Erika Villamer (vanilla_blue27@hotmail.com)

Kabilang sina Parc at Arthur sa mga vigilanteng hitman ng C5G. Sila ang tumatapos sa mga hadlang sa kompanya. At mayruong tatlong bagay ang mahigpit na ipinagbabawal ng samahan: Bawal ang sekreto, bawal magtraidor at bawal ang anumang emosyon.

Ngunit minahal ni Parc at pinakasalan si Junifer na lihim sa C5G ngunit walang lihim na di nabubunyag. Natuklasan ito ng kompanya. Kaya kamatayan nina Parc at Junifer ang magiging kaparusahan.

Mapapayagan ba ni Arthur na mamatay ang dalawang taong mahalaga sa kanya?

Hanggang Kailan
ni Vennis Chua (inavjs@yahoo.com)

Magkakabata si Jen at Rommel at sa murang edad ay minahal nila ang isa’t-isa. At dahil na rin sa mali ang panahon ay pilit pinigilan ng kanilang mga magulang ang kanilang mga musmos na puso at sila’y pinaghiwalay.

Sa paglipas ng panahon, madami ang nangyari sa kanilang buhay at sa muli nilang pagtatagpo, kapwa na sila may ibang minamahal. Ngunit ang puso ay hindi nakakalimot dahil ang pag-ibig na musmos ay muling gigising.

Sapat na ba ang pag-ibig na hininang nang panahon upang sila’y muling maging maligaya?

Maybe
ni Cindy Soriano (lashes15onice@yahoo.com)

Ex-bf kuno ni Icka si Jake, or better to say ex-MU nya. Nagpamaynila si Icka dala ang sakit ng loob kay Jake dahil sa pagkakaron nito ng gf na si Charise. After a year, eto na naman si Jake at nagpaparamdam sa kanya. Paano na ang steady boyfriend niyang si Brian kung narito na naman si Jake sa buhay nya?

Mga Natutulog na Istorya:

Infidelidad
ni SuperPAURONG (http://superpaurong.wordpress.com)

Alam ni Sofia na may lihim na itinatago ang asawa niyang si Fidel kaya gagawa siya ng paraan para alamin ito. Ngunit sa kabila ng hangaring matuklasan ang misteryong pumapaloob sa asawa, matindi ang pangamba niyang iyon ang maaaring makapaglagay sa kanilang relasyon sa bingit.

Dagdag pa rito ang pagkamulat ng nag-iisa nilang anak na si Third sa mundong ginagalawan nina Fidel at Sofia na maaaring makapaglihis sa tamang landas na binabagtas ng matalinong bata.

Tibok
ni Fau Rafili (http://akosifau.wordpress.com)

Matagal nang natapos ang relasyong nina Fau at Ayessa kaya inireto ni Fau si Ayessa sa kanyang matalik na kaibigang si Nikolas. Kasama si Fau sa buhay ng dalawa hanggang sa isang umagang umuwing lasing si Ayessa at may nangyari sa kanilang dalawa ni Fau.

Itinago man nila ang pangyayaring iyon, hindi manhid si Nikolas at nalaman ang lahat. nagbago ang pagtitinginan ng bawat isa sa kanila, nawalan ng tiwala… nawala ang magandang samahan.

Hanggang saan aabot ang tagpong ito?