Kabanata 1: Hanggang Kailan

Hanggang Kailan

“GUSTO kong maging doctor…..” sambit ni Jen habang nakahiga sa damuhan at nakatingala sa mga dahon ng mangga na lumililim sa kanila.

“Okay lang yan, alam ko naman kaya nila Auntie na pag-aralin ka, isa pa di malayong magiging iskolar ka, ang talino mo kasi…” sagot ni Rommel habang nakatitig sa mukha ng kausap.

“Hay…. Hanggang dun lang ba ako? Ano ba yan mula pa kinder ako yun na palagi kong naririning…” tila nayayamot na sambit ng 12 anyos na si Jen at bumangon mula sa pagkakahiga.

“Ano ba nasabi mo na nagalit ka?” nagtatakang tanong ni Rommel.

“Yun nga palagi na lang maririning ko mula sa ibang tao na matalino ako…makakagraduate ako mula sa magandang course sa college, para kasing unfair. Parang kailangan na isubsob ko sa libro ang sarili ko. Ang taas ng expectation nila sa akin Mel….” Tila nagrerebeldeng reklamo ni Jen sa kausap.

“Pero alam mo naiinggit ako kay Lenlen… sa kanya walang mataas na standards na kelangan nya abutin…ang sarap ng buhay ng kapatid ko…at ang swerte niya, Maganda siya.” Halata ang insecurity sa boses ng batang babae habang nakatingin sa malayo.

“Di naman ah, alam naman natin kung ano ang kaya mo, siguro lang naninibago ang baryong ‘to sa isang gaya mo, alam mo naman wala pang nakakasali sa mga quiz bees at contest mula sa scholl natin noon , ikaw pa lang…proud lang sila sayo kaya inaasahan nila maganda ang kinabukasan mo.” Sabi ni Rommel na bumangon na rin sa pagkakahiga sa damuhan at lumapit ng upo kay Jen.

“Isa pa sino may sabing di ka maganda? Para sa akin ikaw ang pinakamaganda sa buong San Jose.” Dagdag pa ng binatilyo at hinawakan ang kamay ng dalagita habang nakatitig sa mata nito.

“Ungas, sinasabi mo lang yan kasi sinagot kita kahapon!” singhal kunwari ni Jen sa kausap sabay baling ng tingin sa kabilang panig ng burol kung saan makikita ang pag-agos ng ilog. Pero sa totoo ay namumula na ang pisngi niya sa sinabing yun ng “nobyo” nya.

Sa maagang edad na dose anyos ay nagsimulang umusbong ang relasyon ng magkababatang si Rommel at Jen. Si Rommel ay solong anak ng may-ari ng malaking lupang sakahan sa San Jose. Si Jen naman ay panganay sa dalawang anak isang sundalo ang ama ni jen at ang Ina nya ay ang Assistant principal ng nag-iisang eskwelahan sa baryo nila. Matalino si Jen at malamang kesa hindi na siya ang maging Valedictorian ng klase nila, samantalang si Rommel sa murang edad na 12 anyos ay nakikitaan na ng pagiging magaling na atleta sa basketball, bagaman siya ay katamtaman lamang ang talino sa mga asignatura nila.

“Mel alas-4 na pala baka hanapin na ako ni Mama. Uwi na tayo total tatlong oras na rin tayo dito sa burol.” Nakangiti ng baling ng dalagita sa batang katipan.

“Kiss muna” at pinikit pa ni rommel ang mata at pinahaba ang nguso sa kasama.

“Ungas! Bawal yan diba…diba nagpromise ka na wala munang kiss at yakap!” Maktol naman ni Jen.

“Sus daya mo naman isang kiss lang…sa pisngi naman eh di naman sa labi…” pangingulit pa rin ni Rommel .

Napaisip si Jen alam niya kung gaano kakulit si rommel, kaya nga nasagot nya ang kababata dahil kinulong siya nito sa classroom nila at di pinalabas hanggang di niya ito sinagot noong nakaraang araw.

“Sige na nga, kulit mo naman .” at inilahad na niya ang pisngi sa nobyo.

“Muah…” Halik ni Rommel sa pisngi ni Jen sabay yakap sa bewang nito. “I love you Jenny” bulong pa nito sa pisngi ni Jen.

“Oo na sige na abuso ka na ha. Sabi mo kiss lang yumakap ka pa! Tara na baka hinahanap ka na rin sa inyo” at kumalas na siya sa pagkakayakap ni Rommel. Tinungo nya ang bisekleta nya na nakahiga sa damuhan at itinayo ito, ng akma na siyang sasakay sa bisekleta niya ay biglang nagsalita si Rommel na nakasakay na rin pala sa bisekleta nito.

“Wag ka na magbibisekleta ha, di maganda sa babae tingnan ang nagbibisikleta, iaangkas na lang kita sa likod ng bike ko pag pasok natin sa school at pag-uwi isa pa sabi nila nakakasira daw ng virginity ng babae ang pagba-bike”

“Ashus!kaw naman….nagpapaniwala ka sa ganun…okay,okay di na po ako magba-bike mula bukas. “ Nakangiting baling ni Jen kay Rommel. At nagsimula na silang bumaba ng burol pauwi sa mga bahay nila.

—

To read this story, go to http://tagalogonlinepocketbook.com/read/feature/stories-legacy/hanggang-kailan