Act 012: Mata

Pagkatapos basahin ni Foo ang istoryang isinulat ni Tessa sa TOP ay kaagad niyang pinuntahan si Tessa sa kaniyang cubicle. Niyaya niya itong kumain ng tanghalian ngunit tumanggi ito. Nagmumukmok pa rin ito dahil sa ginawang pagtanggi ni Foo sa kanilang relasyon—- kung sila nga ba talaga.

Wala namang nagawa si Foo kung hindi ang iwanan muna ito at bumaba na lamang mag-isa sa pantry para mag-tanghalian. Pagkababa niya sa pantry ay hindi naman niya sinasadyang makita si Yesha, kasama ang iba pa nitong mga kasamahan sa trabaho.

As usual, kinawayan siya nito para lumapit sa kanila. “Foo! Come here! Napaka lover-boy mo talaga! Pati si Tessa pinatos mo. Idol!” pang-aasar nito bago niya ito niyakap mula sa likuran. “So paano yan. Hindi mo na makikilala si Alexandra?”

“What!? Ayoko nga! Saka sa susunod, gamitin mo yung sim-card mo para hindi unregistered number ang lalabas sa cellphone ko.” pangaral nito sa kaniya. Paglingon naman niya sa kaniyang likuran ay nakita niya si Tessa na nag-iisa. Nagkasalubong ang kanilang mga mata pero hindi siya pinansin nito. This time, hindi ito nakasimangot kung hindi malungkot na malungkot. “Tessa–” bulong niya sa sarili.

(by foo)

FOO’s NOTE: Sobrang pagod na ako. Tapos, kinukulit pa ako ni Kristen sa phone habang sinusulat ko ito. Siya ang sisihin nyo kung mabibitin kayo ngayon. Nyahaha!

~

Ang TOP Specials ay isang mini project (story-creation-game) na hango sa totoong nangyayari tungkol sa buhay ng mga manunulat sa website na ito. Simple lang rule: Ipagpatuloy at bumuo ng istorya gamit ang four (4) paragraph rule base sa mga nakaraang Act. Ang plot ay maaring maging comedy, horror, suspense o romance ayon sa inyong mood.

Malaya rin ang mga mambabasa na mag contribute ng kanilang continuation ngunit nakadepende pa rin sa amin kung anong ‘best’ continuation ang aming ipu-publish. Kung kailan matatapos ang istoryang ito ay hindi namin alam. So, let the story begin and take you wherever you want!