Act 011: Lalake

Pagkatapos basahin ni Foo ang storya ni Tessa ay napansin niyang namamasa ang kaniyang pisngi. Pinahid niya iyon ng kaniyang kamay at napansing nagmumula iyon sa kaniyang mga mata. Umiiyak na pala siya. At ayaw niya ng umiiyak dahil tanda lamang iyon ng kahinaan. Pero wala siyang nagawa. Para siyang nalunod sa kaniyang binasang storya.

Ang storya ni Tessa ay tungkol sa isang babae na laging umaasa na mamahalin din sya ng kaniyang pinakamamahal na lalake. Ang lalake naman ay sobrang manhid dahil may iba pa itong gustong gawin sa kaniyang buhay. Nag desisyong umalis ang lalake para abutin ang kaniyang pangarap. Naiwan at umasa ang babae na babalik ito pagkatapos niyang matupad ang mga pangarap niyang iyon. Lumipas ang maraming taon at bumalik ang lalake. Nang dalawin niya ang babae ay kapatid niya ang naabutan nito. Sinabi sa kaniya ng kapatid nito na namatay ang babae dahil sa sobrang depresyon at paglala ng sakit na matagal na niyang dinadal nung mga bata pa sila.

Nabitin si Foo dahil hindi binigyan ni Tessa ng ending ang lalake. Hindi niya isinalaysay kung ano ang sunod na gagawin ng lalake sa istorya nito. Kung anu man ang rason ay hindi niya alam. Marahil ay malungkot ito sa tunay na buhay. Ibang-iba kasi ito sa nakikita niyang babaeng nangungulit sa kaniya na masiyahin at palangiti. Napakagat siya ng labi at naiinis siya sa kaniyang sarili. Tila naapektuhan siya ng labis sa kaniyang nabasa.

Itinigil ni Foo ang pagluha pagkatapos ay ipinikit niya ang kaniyang mga mata. Napabuntong-hininga siya ng malakas saka niya sinigawan ang kaniyang sarili. “Gagaya ka ba sa lalakeng iyon Foo? Mag-isip-isip ka bago mahuli ang lahat.”

(by foo)

FOO’s NOTE: Sana ipagpatuloy ito ng ibang manunulat… Naaabuso na ang karakter ko dito. Huwah!

~

Ang TOP Specials ay isang mini project (story-creation-game) na hango sa totoong nangyayari tungkol sa buhay ng mga manunulat sa website na ito. Simple lang rule: Ipagpatuloy at bumuo ng istorya gamit ang four (4) paragraph rule base sa mga nakaraang Act. Ang plot ay maaring maging comedy, horror, suspense o romance ayon sa inyong mood.

Malaya rin ang mga mambabasa na mag contribute ng kanilang continuation ngunit nakadepende pa rin sa amin kung anong ‘best’ continuation ang aming ipu-publish. Kung kailan matatapos ang istoryang ito ay hindi namin alam. So, let the story begin and take you wherever you want!